هو احنا بنزاكر ليه؟

كل ما اقعد مع صحابى ونقعد نتكلم ونقعد نقول بجد يا جماعة لازم نزاكر ونلتزم ومش هينفع كدة الامتحانات خلاص قربت ولما كلنا نقتنع اننا نزاكر وربنا خلاص هدانا وكدة




اروح البيت وخلاص واخدة قرار انى هزاكر وهخلص الى اتفقنا عليه


عقبال ماحضر حاجتى وعلى مهلى وكل دة بتعدى ساعة اصلا وفتحت الكمبيوتر والاغانى الى بسمعها وانا بزاكر (مع انى عارفة انى المفروض مسمعش اغانى وانا بزاكر علشان ربنا يوفقنى حتى وانا بزاكر) اعود احمل فيها وااعمل كولكشن وكدة قول بقت الساعة 7 دة لو مروحتش نمت الظهر

المهم اجى افتح الكتاب وهبد ازاكر ياااااااااااااه دة معاد البرنامج بتاع الموضة والحاجات الجامدة دى خلاص هقوم اتفرج عليه وجاية
اجى تانى يااه لما اقوم اشرب حاجة علشان اركز ( قال يعنى هسهر عالمزاكرة)
اقوم وبعد لما شربت والحمدلله ايه دة فين القلم انا كنت حطاه هنا واعمل هيصة فالبيت علشان القلم (قال يعنى برده معنديش غيره) بس اهو بتلكك وبضيع وقت

اهوه الحمدلله لقيته ايه دة الساعة 8.30 زمان الفيلم جة هقوم وهاجى يعنى الكتاب هيطير ماهو موجود وهزاكر وبعد لما اتفرجت استريح بقى شوية واقوم اكمل (على اساس انى بدات علشان اكمل)

ادينى اتفرجت وخلاص اروح بقى

ايه دة نسيت اتصل بصحبتى احكيلها عالى حصل هقوم و5دقائق وجاية
اقوم واكلم بالساعة اقفل معاها واكون متفقة معاها انها تجيلى ونقعد ندردش شوية

اروح اظبطلها الجو فالبيت واستناها

تيجى

وبعد اما تمشى (بالسلامة)

يااااااه انا مصدعة وعايزة انام كمان ( اكيد هبقى مصدعة واكيد مش من المزاكرة طبعا)

انام واشوف صحابى تانى يوم ايه خلصتو حاجة؟؟؟..............ولا اى حاجة



طب احنا بنزاكر ليه؟ علشان الى فالبيت ميقعدوش يزعقوا وعلشان المصيف الى لو منجحتش مش هروحه وعلشان العيلة متقعدش تقول اه دى فاشلة وايه الدلع الى فيه وكل الكلام دة

لكن عمرى ماسالت حد وقالى علشان يبقى نظرة الناس ليا كويسة علشان الناس تحترمنى علشان اتثقف علشان ابقى حاجة

احنا كلنا او يعنى المعظم الى انا شيفاه بيحفظ قبل الامتحان بكام يوم ويدخل يكتب كل الى حفظه ويطلع من الامتحان قابلنى لو افتكر حاجة

ولو جبنا درجة كويسة ودخلنا جامعة نلاقى حفظ وحاجات كبيرة جدا ومطلوب مننا اننا نزاكرها

طب هو العيب فينا وفى الجيل دة اصلا الى مش بيحب لا دراسة ولا بتاع ولا العيب فى المناهج ولا المدرسين ولا مين؟



يلا بقى باى علشان اكمل المزاكرة