مصرية وبخاف امشى فى الشارع!!!!!

يعني إيه الأمان ..ممكن حد يقول لي؟؟!
هو إنك تعيش في سلام؟، ولا تعيش وإنت مش حاسس بخوف؟، ولا انك تحس بالحرية؟، ولا إيه بالظبط؟
آه صحيح، فيه اختيار تاني "ولا كل الحاجات دي"؟

Quote: الحكاية مش بس بنت حلوة وشيك و"over" شوية في لبسها..لا، ده بقى طبع وعادة وأسلوب حياة !!

أعتقد إن الأمان كلمة تحتوي على كل المعاني دي ..طيب قولوا لي !
أنا بقى ما بحسش بالأمان ليه؟، أقول لكم على حاجة؟، لما مثلاً بنت تمشي في الشارع، أجارك الله!! معاكسات وإهانات، ممكن تكون نظرة أو كلمة أو لمسة،و انتم عارفين الباقي بقى !
و اوعى حد يقول لي هم اللي بيخلونا نعمل كده! لاني دايما مقتنعة إن الإنسان المحترم ..محترم، وتأكد إن اللي هتتضايق أو تنجرح من النظرات أو المعاكسات دي هي البنت المؤدبة مش العكس.

المهم بقى الشيء اللي يجننك، إن المعاكسة وقلة الأدب بقت بتجري في دم الشباب يعني الحكاية مش بس بنت حلوة وشيك و"أوفر" شوية في لبسها..لا، ده بقى طبع وعادة وأسلوب حياة !!

عيال وبيلعبوا

"خبر عاجل" .. أكدت مصادر موثوق فيها،إن العيال اللي أد ركبتنا، بقوا هم كمان بيحبوا يعملوا نفس حركات الكبار،معتقدين بكده إنهم كبروا خلاص،وهم جايين من المدرسة، بيبقوا ماشيين مجموعات،فيروحوا حدفين بعض علي أي بنت ماشية جنبهم، وقال إيه .. عيال وبيلعبوا !!
يا نهار أبيض!!، وصلت بينا الدرجة لكده خلاص؟، نسينا إننا مصريين ومعروف معروف عننا الجدعنة؟!
دلوقتي للآسف بقينا حاجه تانية خالص، اتغيرنا واتغيرت معانا أخلاقنا وعادتنا وتقاليدنا!
ويا ترى "الهوجة" دي هتوصل بينا لحد فين؟
ربنا يستر.
آه وتذكر دائما( إن لم تكن جزءً من الحل .. فأنت جزء من المشكلة)

m
a
n
k
o
l

اوكيه ميرسى ياديمو على الرد بس فى حاجة ...انا معاك ان البنت مش لازم تافورها بس الى انا عارفاه ان الولد المحترم وبصرف النظر عن البنت عاملة ايه فى نفسها لان كمان البنت دى اهلها شيفنها وهى خارجة وراضين وهى راضية يبقى دى حاجة ترجعلها بس لو الولد محترم مهما تعمل مش هيعاكس دى مجرد حجج بتتقال علشان يبررو الموقف وصدقنى بجد لو البنت لابسة اسدال حتى وهى ماشية برضه بتتعاكس دى بقت شبه الطبيعة فى الشباب ومفيش حاجة بتحلل الحرام ويبقى حلال بجد يارب نتغير